📜 Masharti ya Matumizi

Yamesasishwa mwisho: Septemba 2026 · Mtoa huduma: Letema Group Tech

1. Kuhusu mfumo huu

Huu ni mfumo wa POS (mauzo, stock, uhasibu, ripoti, TRA/EFD, Business Intelligence na msaada) unaotolewa kwako ("Mteja") na Letema Group Tech. Kwa kutumia mfumo huu unakubali masharti yafuatayo.

2. Leseni

  • Leseni ni ya kifaa kimoja (Standalone/Multi-Till: kwa Machine ID) au duka moja (Cloud: kwa SHOP_ID). Hairuhusiwi kunakili leseni au funguo kwenda kifaa/duka jingine.
  • Leseni ya majaribio (Trial) inaisha siku iliyowekwa; baada ya hapo mfumo unahitaji leseni ya kudumu.
  • Muuzaji anaweza kusimamisha leseni (mfano kwa kutolipa). Mfumo unaweza kuendelea kwa kipindi cha neema bila mtandao (hadi siku 14), kisha kuzuiwa endapo haujawasiliana na muuzaji.
  • Kama umenunua kupitia Reseller, muuzaji wako wa moja kwa moja ni Reseller huyo na makubaliano ya bei/malipo ni kati yako naye.

3. Wajibu wa Mteja

  • Kuhifadhi kwa siri jina la mtumiaji na nenosiri la kila mtumiaji, na kubadilisha nenosiri la awali (admin/admin123) mara moja.
  • Kuhakikisha data unayoingiza (bei, stock, mauzo, matumizi) ni sahihi. Ripoti na ushauri unategemea data hiyo.
  • Kufanya nakala za data (Backup) mara kwa mara kupitia "Nakala za Data". Kwa Standalone/LAN, data iko kwenye kifaa chako; kupotea kwa kifaa bila nakala ni hatari yako.
  • Kufuata sheria za Tanzania, ikiwemo kodi na risiti za kielektroniki (TRA).

4. Data ni mali yako

Data ya mauzo, bidhaa, wateja wako na wasambazaji ni mali yako. Muuzaji hasomi data hiyo; hundi ya leseni inatuma kitambulisho na hali ya leseni tu (tazama Sera ya Faragha).

5. TRA / EFD

Mfumo unasaidia kutuma risiti na Z-Report kwa TRA. Usajili wa TRA (TIN, VRN, EFD serial), usahihi wa kodi na majibu ya TRA ni wajibu wako; mtoa huduma hahusiki na adhabu au ucheleweshaji unaotokana na TRA au taarifa zisizo sahihi.

6. Business Intelligence, AI Advisor na "Path to Four"

  • Ushauri wote ndani ya mfumo (BI, AI Business Advisor, Path to Four) ni mwongozo wa jumla wa kibiashara na elimu ya kifedha, uliokokotolewa kutoka data yako. Si ushauri rasmi wa kisheria, kikodi, wa benki wala wa uwekezaji. Kabla ya maamuzi makubwa (mkopo, kuwekeza, kufungua tawi) wasiliana na mhasibu au mshauri aliyesajiliwa.
  • Matokeo ni makadirio; hakuna hakikisho la faida au kufikia "Financial Freedom".
  • AI Business Advisor na swali la AI ndani ya Path to Four vinatumia API Key yako mwenyewe ya Anthropic; gharama na masharti ya huduma hiyo ni kati yako na Anthropic.

7. Msaada (Chat)

Ukurasa wa 💬 Msaada unakuunganisha na muuzaji wako. Usitume nywila, funguo za siri au taarifa za kadi kwenye chat. Muuzaji anajitahidi kujibu haraka lakini hakuna muda wa uhakika wa majibu isipokuwa umekubaliana naye kwa maandishi.

8. Matumizi yasiyoruhusiwa

  • Kujaribu kukwepa au kuvunja mfumo wa leseni, au kuuza tena mfumo bila idhini ya maandishi.
  • Kutumia mfumo kwa udanganyifu wa kodi, biashara haramu, au kuhifadhi maudhui yanayovunja sheria.

9. Upatikanaji na kikomo cha dhima

Mfumo unatolewa kama ulivyo. Kadiri sheria inavyoruhusu, mtoa huduma hahusiki na hasara isiyo ya moja kwa moja (faida iliyopotea, kupotea kwa data bila nakala, kukatika kwa mtandao/hosting). Dhima ya juu kabisa inapunguzwa kufikia kiasi ulicholipa kwa mfumo katika miezi 12 iliyopita, isipokuwa sheria inasema vinginevyo.

10. Mabadiliko ya masharti

Masharti yanaweza kubadilishwa; toleo jipya litaonekana hapa likiwa na tarehe mpya. Kuendelea kutumia mfumo ni kukubali toleo jipya. Yanatawaliwa na sheria za Jamhuri ya Muungano wa Tanzania.

Soma Sera ya Faragha →

© 2026 Letema Group Tech. Haki zote zimehifadhiwa.